Fairsew គឺជាអាជីវកម្មកាត់ដេររបស់ក្រុមហ៊ុន Sociaven Co., Ltd. ដែលជាក្រុមហ៊ុនមួយបានចុះឈ្មោះក្នុងបញ្ជីក្រសួងពាណិជ្ជកម្មនៃព្រះរាជាណាចក្រកម្ពុជាចាប់តាំងពីឆ្នាំ២០១០។ Fairsew កំពុងត្រូវការបុគ្គលិកកាត់ដេរសម្លៀកបំពាក់បន្ថែមទៀត ដែលមានបំណងចង់ អភិវឌ្ឍន៍ ខ្លួន ដោយចូលរួមជាមួយក្រុមរបស់យើងខ្ញុំ។
ស្រ្តីត្រូវបានលើកទឹកចិត្តក្នុងការដាក់ពាក្យធ្វើការ ដែលទីតាំងការងារស្ថិតនៅក្នុងរាជធានីភ្នំពេញ។ Fairsew ត្រូវបានគេស្គាល់ថា ជាក្រុមហ៊ុនមួយដែលមានក្រមសីលធម៏ខ្ពស់ចំពោះបុគ្គលិក ដោយមានលក្ខខណ្ឌការងារល្អ និង ស្របទៅតាមច្បាប់ការងារ។ Fairsew គឺកំពុងផលិតសម្លៀកបំពាក់ជាច្រើនប្រភេទសម្រាប់ទីផ្សារទាំងក្នុង និងក្រៅស្រុក។
- ដេរសម្លៀកបំពាក់តាមតម្រូវការ និង ជួយក្នុងការកាត់ នៅពេលដែលត្រូវការ
- ថែរក្សាសម្លៀកបំពាក់នៅពេលបញ្ចប់ការដេរ និង ត្រួតពិនិត្យមើលគុណភាពនៃការដេរសម្លៀកបំពាក់
- ជួយក្នុងការរៀបចំ និង ផែនការការងារ ទាក់ទងនឹងការដេរ និង ការងាររបស់ខ្លួន
- ធ្វើការសំអាត និងរៀបចំអោយបានស្អាត នៅពេលត្រូវការ
- ផ្ដល់ដំណឹងទៅកាន់ថ្នាក់លើអំពីស្តុកអំបោះ, ម្ជុល និង ឧបករណ៍ផ្សេងៗសម្រាប់ដេរ
- ផ្ដល់ដំណឹងដល់ថ្នាក់លើភ្លាមៗ ពេលម៉ាស៊ីនកាត់ដេរ និង ឧបករណ៍មានបញ្ហា
- មានបទពិសោធន៍ក្នុងការកាត់ដេរសម្លៀកបំពាក់
- មានចំណាប់អារម្មណ៍ ក្នុងអាជីពជាអ្នកកាត់ដេរសម្លៀកបំពាក់
- ចេះគិតលេខ ចេះអាន និង សរសេរអក្សរខែ្មរបាន
- អាចប្រាស្រ័យទាក់ទង ជាមួយមនុស្សគ្រប់ប្រភេទបាន និង ធ្វើការម៉ត់ចត់
- ចេះលើកទឹកចិត្តខ្លួនឯង និង ហ៊ានបញ្ចេញគំនិតផ្ទាល់ខ្លួន
- មានឆន្ទះក្នុងការកាត់ដេរសម្លៀកបំពាក់ដែលមានគុណភាពខ្ពស់
ប្រសិនបើអ្នកមានចំណាប់អារម្មណ៏នឹងមុខតំណែងខាងលើនេះ សូមផ្ញើរប្រវត្តិរូបសង្ខេបរបស់អ្នកមកកាន់អ៊ីមែល ដែលបានផ្ដល់ជូននៅក្នុងព័ត៌មានទំនាក់ទំនង ឫ ក៏អាចយកពាក្យមកដាក់នៅក្រមហ៊ុនយើងខ្ញុំផ្ទាល់។
សំរាប់ពត៍មានបន្ថែមមអំពី Fairsew លោកអ្នកក៏អាចចូលទៅកាន់គេហទំព័រហ្វេសប៊ុករបស់ពូកយើង និង គេហទំព័ររបស់ក្រុមហ៊ុន។
ប្រាក់ខែ៖
- ប្រាក់ខែសរុបចាប់ពី 204 ដុល្លា ទៅ 241 ដុល្លា និង ប្រាក់ឧបត្ថម្ភពី 16 ដុល្លា ទៅ 23 ដុល្លា។
- ការិយាល័យ - ផ្ទះលេខ៧៣, ផ្លូវលេខ១១៥ សង្កាត់វាលវង់ ខណ្ឌ៧មករា រាជធានីភ្នំពេញ កម្ពុជា
- Fairsew
- លោក ទៀង ធារ៉ា
- 069 288 527
- careers@fairsew.com