អង្គការពិភពកុមារនិងអភិវឌ្ឍន៍គឺជាអង្គការបារាំងក្រៅរដ្ឋាភិបាលមានជំនាញខាងការថែទាំ និងអភិវឌ្ឍន៍កុមារតូច។អង្គការពិភពកុមារនិង អភិវឌ្ឍន៍បានបង្កើតឡើងក្នុងឆ្នាំ១៩៨៤ជា "ភូមិកុមារកម្ពុជា"(SOS Children Cambodia) ដើម្បីជួយដល់កុមាររងគ្រោះនៅក្នុងរបបប្រល័យពូជសាសន៍កម្ពុជា។ ចាប់តាំងពីពេលនោះមកអង្គការពិភពកុមារនិងអភិវឌ្ឍន៍បាននឹងកំពុងដំណើរការប្រតិបត្តិការរបស់ខ្លួនដើម្បីផ្តល់ការអប់រំ និងការអភិវឌ្ឍដល់កុមារតូច (០-៦ឆ្នាំ) ជួយគាំទ្រគ្រួសារ និងឪពុកម្តាយកុមារក៏ដូចជាផ្តល់ការអប់រំពីសុខភាពមាតានិងទារក។
អង្គការពិភពកុមារនិងអភិវឌ្ឍន៍កំពុងអនុវត្តនូវគម្រោងមួយចំនួនដើម្បីកែលម្អសេវាថែទាំកុមារតូចតាមរយៈការចែករំលែកនូវស្តង់ដារអប់រំអន្តរជាតិដែលល្អៗ និងនវានុវត្តផ្នែកគរុកោសល្យដល់គ្រួសារដែលមានប្រាក់ចំនូលទាប និងមធ្យម។ គម្រោងទាំងនោះរួមមានការផ្តល់សេវាទារកដ្ឋានដែលគាំទ្រដោយនយោជកសម្រាប់កម្មកររោងចក្រកាត់ដេរ ការគាំទ្រការបង្កើតក្របខ័ណ្ឌការងារ ឬគោលការណ៍ណែនាំស្តីពីការថែទាំកុមារតូច និងបទដ្ឋានទារកដ្ឋាន និងសេវាទារកដ្ឋាននៅតាមសហគមន៍សម្រាប់ក្រុមគ្រួសារក្រីក្រ។
ចូលរួមជាមួយយើងដើម្បីបង្កើតទារកដ្ឋានថ្មីមួយនៅរាជធានីភ្នំពេញ អង្គការពិភពកុមារនិងអភិវឌ្ឍន៍គ្រោងនឹងបង្កើតទារកដ្ឋានថ្មីមួយនៅរាជធានីភ្នំពេញនៅតំបន់បឹងទំពន់ក្នុងអំឡុងឆមាសទី១ ឆ្នាំ២០២០។ទារកដ្ឋាននេះនឹងដំណើរការជាអាជីវកម្មសង្គម ហើយអាចទទួលកុមារតូចបាន៥០នាក់ដែលមានអាយុពី៦ខែដល់៤ឆ្នាំ។គោលបំណងសំខាន់គឺផ្តល់បទដ្ឋានអប់រំស្តង់ដាអន្តរជាតិដែលល្អបំផុតទាំងការអប់រំ និង អាហារ ដែលមានតម្លៃសមរម្យអាចទទួលយកបានសម្រាប់អ្នកធ្វើការ។
- ផ្តល់ការមើលថែទារកនិងកុមារតូចដែលទើបចេះដើរតេះតះប្រកបដោយគុណភាពដូចជាការផ្តល់ចំណីអាហារងូតទឹក ផ្លាស់ប្តូរខោទឹកនោមទារកនិងសំអាតប្រដាប់ប្រដាក្មេងលេង / សម្ភារៈសិក្សាក្នុងថ្នាក់។
- រៀបចំសកម្មភាពការងារនិងអនុវត្តតាមកម្មវិធីសិក្សាសម្រាប់កុមាររៀននិងស្វែងរកចំណាប់អារម្មណ៍។
- ផ្តល់ឱ្យពួកគេនូវការអភិវឌ្ឍន៍ល្អដូចជា បំនិនជីវិត ជីវិតសង្គម ឥរិយាបថ ការអភិវឌ្ឍផ្លូវអារម្មណ៍ ភាសាទំនាក់ទំនង និងសកម្មភាពរាងកាយ។
- បង្កើតកាលវិភាគនិងទម្លាប់ល្អៗដើម្បីធានាថាកុមារមានសកម្មភាពគ្រប់គ្រាន់ដើម្បីអភិវឌ្ឍចលនារាងកាយ ការសម្រាកនិងការលេងជាដើម។
- ឃ្លាំមើលសញ្ញានៃបញ្ហាផ្លូវចិត្តឬការវិវត្តន៍កុមារក្នុងក្រុមហើយធ្វើរបាយការណ៍ទៅថ្នាក់លើនិងអាណាព្យាបាល។
- រក្សាកំណត់ត្រាអំពីវឌ្ឍនភាពលូតលាស់ ទម្លាប់ ចំណាប់អារម្មណ៍ និងបញ្ហាផ្សេងៗរបស់កុមារអោយបានត្រឹមត្រូវ។
- ត្រួតពិនិត្យនិងតាមដានសុវត្ថិភាពកុមារក្នុងពេលមើលថែ។
- មើលការខុសត្រូវពេលអាហារថ្ងៃត្រង់និងអាហារសម្រន់សម្រាប់កុមារ។
- បង្រៀនកុមារអំពីអនាម័យនិងជួយឱ្យកុមាររក្សាអនាម័យអោយបានល្អ។
- កសាងទំនាក់ទំនងល្អនិងទុកចិត្តគ្នាជាមួយកុមារនិងឪពុកម្តាយនិងក្រុមការងារ។
- យកចិត្តទុកដាក់និងមានភាពម៉ត់ចត់នឹងការងារ។
- មានទំនួលខុសត្រូវខ្ពស់។
- សញ្ញាប័ត្រផ្នែកអប់រំកុមារតូចឬមុខជំនាញផ្សេងដែលពាក់ព័ន្ធ។
- មានបទពិសោធន៍ការងារយ៉ាងតិច ២ ឆ្នាំជាអ្នកមើលថែទាំក្មេង។
- សមត្ថភាពក្នុងការរៀបចំសកម្មភាពសម្រាប់កុមារសកម្មនិងការងារ។
- ចំណេះដឹងល្អអំពីការអភិវឌ្ឍន៍កុមារនៃដំណាក់កាលដំបូង។
- ជំនាញដោះស្រាយបញ្ហាចំពោះមុខ។
- ទំនាក់ទំនងជាលាយលក្ខណ៍អក្សរនិងផ្ទាល់មាត់ជាភាសាខ្មែរ។
- ការសហការណ៍ការងារក្រុមបានល្អនិងឯករាជ្យ ។
- ការយកចិត្តទុកដាក់និងសង្កេតលើតំរូវការនិងសុវត្ថិភាពរបស់កុមារ។
- ការសំរេចចិត្ត មានភាពអត់ធ្មត់ រួសរាយរាក់ទាក់ មានភាពស្មោះត្រង់ និងការតាំងចិត្តខ្ពស់ក្នុងការលេងនិងអប់រំក្មេង តូចៗអោយបានល្អ។
- ជំនាញភាសាអង់គ្លេសគឺជាគុណសម្បត្តិមួយ។
- ធ្វើរបាយការណ៍ទៅប្រធានក្រុមផ្នែកថែទាំទារកកុមារ។
- គោរពពេលវេលា។
- កម្រិតវប្បធម៌: ការអប់រំនិងបណ្តុះបណ្តាលបច្ចេកទេសនិងវិជ្ជាជីវៈ
បេក្ខជន/បេក្ខនារីណាដែលចាប់អារម្មណ៍មុខតំណែងណាមួយសូមផ្ញើប្រវត្តិរូបសង្ខេបនិងលិខិតចំណាប់អារម្មណ៍ជាភាសាខ្មែរ ឬ អង់គ្លេស តាមរយៈអាស័យដ្ឋានអ៊ីម៉ែលនិងលេខទូរស័ព្ទនៅក្នុងព័ត៌មានទំនាក់ទំនងលំអិតអោយបានមុនកាលបរិច្ឆទឈប់ទទួលពាក្យ។
ទំនាក់ទំនងរាល់សំណួរ និងចម្ងល់ទាក់ទងនឹងការដាក់ពាក្យ(មុនកាលបរិច្ឆេទឈប់ទទួលពាក្យ)សូមទាក់ទងទៅអាសយដ្ឋានការិយាល័យអង្គការពិភពកុមារ និងអភិវឌ្ឈន៍។
- ប្រវត្តិរូបសង្ខេប (CV)និង លិខិតចំណាប់អារម្មណ៍(Cover letter)ត្រូវតែជាទម្រង់ Ms Word ឬ PDF
- សូមកុំភ្ជាប់មកជាមួយនូវសញ្ញាប័ត្រ ឬលិខិតបញ្ជាក់ការងារផ្សេងៗ លើកលែងតែត្រូវបានស្នើសុំ
- ប្រវត្តិរូបសង្ខេប (CV)Cover letter និងឯកសារផ្សេងៗដែលបានផ្ញើមក មិនអាចដកវិញបានទេ
- មានតែបេក្ខជន/បេក្ខនារីដែលជាប់ short listed ទេដែលនឹងត្រូវបានទាក់ទង និងជូនដំណឹង។
- ការិយាល័យចំការមន - សង្កាត់ទួលទំពូងទី ១ ខណ្ឌចំការមន រាជធានីភ្នំពេញ កម្ពុជា
- Planète Enfants & Développement
- 089 447 353
- chan.sorya@planete-eed.org